Este vindeiro domingo 30 de marzo celebrarase na Piscina Municipal de Ponteareas unha nova xornada da Liga de Idades, na que estarán o C.T. Codesal, C.N. Redondela e o Club Natación Ponteareas.
As probas comezarán ás 17.30 horas e o quecemento ás 16.30 horas.
Están convocados/as todos os nadadores/as das categorías promesas, benxamín e alevín.
O nadador do Club Natación Ponteareas Marcos Soutullo Rodríguez participará no Campionato de España Junior de Inverno, que se celebrará do 28 ao 30 de marzo en Xixón.
Marcos nadará 200 braza e 200 estilos o sábado 29 e estará acompañado polo adestrador do Club Andrés Carrera.
Os pasados 23 e 24 de febreiro celebrouse na Piscina Rías do Sur de Pontevedra o Campionato Galego Infantil de Inverno. Polo Club Natación Ponteareas participaron os nadadores/as:
Diego Paz Sobreira
Miguel Angel Garrido Castañal
Jennifer Chamadoira Domínguez
Tatiana Vázquez Alfaya
Anaïs Ucha Mutilba
Mª Elena Pino Ferreira
Rocío Landín Gallego
Todos tiveron unha actuación moi boa, destacando as tres medallas conseguidas por Miguel Ángel Garrido, que se proclamou campión galego en 50 e 100 libre e subcampión galego en 200 libre; a medalla de ouro de Diego Paz en 100 estilos e a de prata en 400 estilos e a medalla de bronce de Anaïs Ucha en 100 braza.
A nadadora do Club Natación Ponteareas Estefanía Chamadoira Domínguez acadou a medalla de ouro na proba de 100 estilos no Campionato Galego Júnior de Inverno, celebrado na Piscina de Santa Isabel en Santiago de Compostela entre o 28 e o 30 de decembro de 2007, converténdose na Campiona Galega Júnior desta proba.
Fantástico peche de campionato para esta nadadora.. Con esta xa son catro as medallas que ten o Club neste Campionato Galego.
O nadador do Club Natación Ponteareas Alejandro Reigosa Lago acadou a medalla de bronce na proba de 200 costas no Campionato Galego Júnior de Inverno, celebrado na Piscina de Santa Isabel en Santiago de Compostela entre o 28 e o 30 de decembro de 2007.
Esta é unha medalla moi merecida por este nadador polo seu continuado esforzo nos adestramentos para acadar estas metas. Con esta xa son tres as medallas que ten o Club neste Campionato Galego.
A nadadora do Club Natación Ponteareas Estefanía Chamadoira Domínguez acadou a medalla de bronce na proba de 50 bolboreta no Campionato Galego Júnior de Inverno, celebrado na Piscina de Santa Isabel en Santiago de Compostela entre o 28 e o 30 de decembro de 2007.
Un novo éxito na súa carreira deportiva. Con esta xa son dúas as medallas que ten o Club neste Campionato Galego.
Nesta proba tamén acadou un extraordinario 5º posto Sandra Sobreira.
O nadador do Club Natación Ponteareas acadou un extraordinario 3º posto na proba dos 200 braza no Campionato Galego de Inverno júnior celebrada este venres 28 de decembro en Santiago.
É un éxito máis a sumar na traxectoria deste nadador e do noso Club.
Tamén tiveron moi boas actuacións Estefanía e Jennifer Chamadoira, Alejandro Reigosa e Raquel Landín.
Felicitacións a todos/as eles/as.
O vindeiro sábado 15 de decembro celebrarase a segunda xornada da Liga Alevín, esta de carácter zonal, na Piscina da Fieiteira en Santa Uxía de Ribeira. O quecemento será ás 16.30 horas e as probas ás 17.30 horas. Por parte do Club Natación Ponteareas están convocados/as os segyuintes nadadores/as:
Carolina Romero, Katia Novoa, Adrián Gándara, Martín Carrera, Manuel Ibáñez, Rubén Martínez e Francisco Cobelo.
Este sábado 8 de decembro de 2007 celebrouse na Piscina do Real Club Náutico de Vigo, o XXI Trofeo de Navidad, no que houbo unha importante participación e marcas moi interesantes, batíndose un récord galego. Entre os deportistas pariticipantes houbo doce do Club Natación Ponteareas que rexistraron na súa maioría importantes melloras nas marcas.
A destacar o feito de que Marcos Soutullo conseguiu a mínima para o Campionato de España da súa categoría na proba de 200 estilos.
Na 2ª xornada da Liga Galega de Clubs de 2ª División, celebrada este sábado 24 de novembro na Piscina da Cañiza, os nosos nadadores/as acadaron un importante 4º posto, conseguindo varias mínimas para os diferentes Campionatos Galegos e logrando marcas de moita valía.
Confiamos en lograr ao remate da temporada o obxectivo porposto de manternos nesta categoría para a vindeira temporada.
Agradacemos a colaboración prestada coa organización por parte das persoas do club que cronometraron.
Este sábado 24 de novembro, a partires das 17.30 horas celebrarase a 2ª xornada da Liga Galega de Clubs de 2ª División, na Piscina Municipal da Cañiza, organizada polo Club Natación Ponteareas e a FEGAN. O quecemento será a partires das 16.00 horas. Participarán o C.N. Arteixo, C.N. Cedeira, C.N. As Pontes, C.N. Xove, A.D.N. Narón e o Club Natación Ponteareas. Polo noso club están convocados/as os seguintes nadadores/as:
Anaïs Ucha, Magaly Freire, Rocío Landín, Jennifer Chamadoira, Estefanía Chamadoira, Sandra Sobreira, Alba Ucha, Raquel Landín, Alba Paz, Miguel Ángel Garrido, Diego Paz, Luis Pardo, Alejandro Reigosa, Marcos Soutullo, Iago Aldir, Pablo Garrido e Jairo Vilasboas.
O reto é tentar mellorar o 4º posto acadado na 1ª xornada.
Como sempre, agardamos a colaboración coa organización por parte de todos/as.
Este sábado 17 de novembro celebrarase na Piscina do Real Club Náutico de Vigo, a partires das 17.30 as probas e quecemento ás 16.15 horas, a 1ª xornada da Liga de categoría Infantil, na que van participar deportistas do R.C. Náutico de Vigo. C.N. Redondel, C.T. Codesal, C.N. Mos, Golfiños N. Porriño e Club Natación Ponteareas.
Polo noso Club están convocados/as: Diego Paz, Miguel Ángel Garrido, Juan Antonio Vázquez, Víctor David Freire, Magaly Freire, Mª Elena Pino, Jennifer Chamadoira, Tatiana Vázquez, Anaïs Ucha, Rocío Landín. Nerea Pérez e Marta Castro.
Estamos seguros de que van ter unha fantástica actuación.
Este pasado sábado 10 de novembro comezou a Liga Galega de Clubs de 2ª División na Piscina de Narón, onde o Club Natación Ponteareas acadou un magnífico 4º posto a só 9 puntos do 3º clasificado.
A seguinte xornada desta liga será na Piscina Municipal da Cañiza, ao non deixarnos a Empresa Concesionaria a Piscina Municipal de Ponteareas, o sábado 24 de novembro.
Como sempre, esperamos a colaboración de todos/as coa organización desta xornada.
Co remate do mes de xullo, tamén rematan os adestramentos do Club por esta exitosa temporada 2006-07. Os adestramentos reanudaranse o vindeiro 3 de setembro en horarios de tarde como de costume. Desexámosvos un bo mes de agosto e que os nosos nadadores/as veñan con moitas gañas en setembro para comezar a tope a temporada.
Queremos felicitar a Marcos Soutullo Rodríguez, nadador do Club Natación Ponteareas, que participou estes días no Campionato de España Infantil de Natación en Madrid. Na proba de 100 braza quedou nun meritorio 29º posto e na proba de 200 estilos no 40º, o que colma as expectativas que se tiñan.
Esperamos que para a temporada vindeira siga coa súa evoluxión e pouco a pouco se vaia achegando a metas máis altas aínda que as xa acadadas nesta temporada.
O nadador do Club Natación Ponteareas porá fin á temporada 2006-07 do Club coa súa participación no Campionato de España Infantil a celebrar a partires deste domingo 29 de xullo en Madrid. Acudirá alí acompañado do seu adestrador Andrés Carrera para participar nas probas de 100 braza e 200 estilos. Esperamos que disfrute moito deste campionato, pois xa é un éxito moi grande que estea alí presente.
Todo un éxito foi a cea de fin de temporada do Club Natación Ponteareas, á que asistiron finalmente un total de 61 persoas entre nadadores/as, técnicos e familiares dos deportistas. Durante a mesma os nadadores/as fixéronlle unha pequena homenaxe ao adestrador e Director técnico do Club Andrés, como mostra de agradecemento polo seu traballo durante esta temporada.
Os compañeiros/as de Xunta Directiva entregáronlle un pequeno detalle ó ata agora Vicepresidente do Club Adriano por mor da súa marcha da Xunta Directiva despois de 9 anos na mesma e pola súa dedicación ó club durante estes anos.
Como xa é tradicional, entregáronselle uns detalles por parte do club aos catro medallistas desta temporada nos campionatos galegos, Anaïs, Miguel, Fany e Marcos e tamén se lles entregaron uns pequenos detalles a tódolos deportistas presentes na cea.
Foi un acto social importante e esperamos que para a temporada vindeira volva a haber unha asistencia semellante.
De moi boa hai que cualificar a actuación dos nosos deportistas neste Trofeo este sábado 14 de xullo. Na clasificación final acadamos o 4º posto de entre dez equipos e ademais, a nivel individual obtiveron medalla:
Anaïs Ucha Mutilba: plata en 50 costas e ouro en 50 braza.
Miguel Ángel Garrido Castañal: plata en 50 costas e ouro en 50 libre.
Raquel Landín Gallego: bronce en 50 bolboreta.
Estefanía Chamadoira Domínguez: plata en 50 costas.
Jennifer Chamadoira Domínguez: bronce en 50 costas.
Ademais houbo varios cuartos postos.
Este sábado 14 de xullo de 2007 farase a cea de fin de temporada do Club Natación Ponteareas para a que están anotadas 60 persoas, batindo o récord de asistencia a eventos deste tipo no club. É unha boa forma de despedir a temporada 2006-07 que tan boa foi para o club, tanto por acadar éxitos deportivos importantes, como polo aumento considerable no número de deportistas do mesmo. Esta é a temporada da consolidación do club e xa temos que comezar a mirar máis para arriba.
Nesta cea esperamos que quede claro unha vez máis que este si que é moito máis que un club: é unha verdadeira familia na que todos e todas están a colaborar.
Desexamos que todos os asistentes o pasemos moi ben nesta cea.